Մեզնից յուրաքանչյուրը վարորդի կամ հետիոտնի կարգավիճակում առնվազն գոնե մեկ անգամ ականատես եղել է կարգավորողի ազդանշաններին։ Մեզնից շատերն էլ, տեսնելով դրանք, առնվազն գոնե մեկ անգամ խուճապի են մատնվել։ Իսկ խուճապի հիմնական, եթե ոչ միակ մեղավորը մեկն է. ցավոք, ժամանակակից վարորդներից եւ հետիոտներից շատերը պարզապես ծանոթ չեն կարգավորողի ազդանշանների նշանակություններին: Ու հենց այս պատճառով էլ կարգավորողները հաճախ ճանապարհային երթեւեկության կանոններով հաստատված ազդանշանները կիրառելու փոխարեն ստիպված փորձում են հնարավոր բոլոր հասկանալի ձեւերով բացատրել, թե որ ուղղություններով է թույլատրվում կամ արգելվում տրանսպորտային միջոցների երթեւեկությունն ու հետիոտների տեղաշարժը։ Ձեռքերի լրացուցիչ ու կտրուկ շարժումներ, սուլիչի լրացուցիչ ու բարձր ձայներ... սրանք հատկապես շփոթության մեջ են գցում սկսնակ վարորդներին։ Բայց արի ու տես, որ կարգավորողի ազդանշաններն ընդամենը մի քանիսն են ու իրականում շատ ավելի պարզ են, քան շատերս կարծում ենք, եւ դրանք մեկընդմիշտ հիշելու դեպքում ինչ-որ չափով կթեթեւացնենք ինչպես վարորդներիս ու հետիոտներիս, այնպես էլ՝ կարգավորողների գործը։ 

Փորձեք ցանկացած տարիքի երեխայի տալ շրջանաձեւ մի իր ու հավատացնել նրան, որ այն ավտոմեքենայի ղեկ է։ Վստահեցնում ենք ձեզ՝ նա հաստատ ինչ-որ ձեւ կբռնի «ղեկն» ու անհապաղ կսկսի «երթեւեկել»։ Գրեթե նույն կերպ կվարվի ցանկացած սկսնակ վարորդ՝ մոտավորապես ճիշտ բռնելով ավտոմեքենայի ղեկը։ Բայց, քանի որ մոտավորապես ավտոմեքենա վարելը, մեղմ ասած, այնքան էլ ճիշտ չէ, եկեք սովորենք, թե ինչպես ճիշտ բռնել այն կարեւոր հարմարանքը, որի միջոցով արդեն իսկ կարգավորում կամ մոտ ապագայում կարգավորելու եք ձեր ավտոմեքենայի ընթացքի ուղղությունը։

Անվտանգության գոտիներն ամրացնելուց էլ հե՞շտ ու պա՞րզ բան: Սակայն, ինչպես պարզվում է, ամեն ինչ այնքան էլ պարզ չէ ու կան տարրական մի քանի նկատառումներ, որոնց պարզապես պետք է հետեւել՝ «ունքը սարքելու փոխարեն աչքը չհանելու» համար:

Վթարային իրավիճակի ստեղծման  հավանականությունը նվազագույնի հասցնելու, ինչպես նաև՝ ավտոմեքենայի առջևում լուսավորված տարածությունը չկրճատելու համար անհրաժեշտ է կատարել լուսարձակների կարգավորում:

Ցանկացած՝ նույնիսկ ամենակարճ ուղևորություն սկսվում է ղեկի մոտ ճիշտ նստելուց: Ստորև մենք կքննարկենք ժամանակակից մեքենաների նստելատեղերի հիմնական կարգավորումները.